Home / Forum / Schwangerschaft & Kinderwunsch / Wir sind die Schweizer Kugeln&Mammas Vol.24

Wir sind die Schweizer Kugeln&Mammas Vol.24

20. Oktober 2011 um 13:01

E chlini SchwiizerTruppe vo Mamis&Kugelis, hend sich gfunde und sind e igschworeri Gmeinschaft!
Mir helfe üs mit Rootschläg und sind für jede doo!
Nüd isch falsch, nüd isch piinlich, mir si offe und e bunte Huufe!

♥Neuzuegang isch immer Herzlich Willkomme, bitte mir(gorgerous) euri Date zueschicke per PN♥

♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫♫


##,............,#**#,.,#**#,
.##.... .....,,#####..........#
...##....,#.... ......#....//....#
....###*.....#...... ....((....#
......'''#................ ........#
.........''#......#........... . ..#
.............''##;........#... ..#,
. .................#........"##" ..#,
..................#........... ..... . .#,
..................#.....#..... .... .. ...#
..................#.....#..... ...... ...#,
..................#.....#... ........ ....#
.................####..#### ####..


Unseri Mamis

dualmom(Sabrina,29 Joor alt us Sulz bi Winterthur)
Kinder: mit de Amy♀,03/2005 und em Meo♂,10/2008 und ihrer Naya♀ gebore am 01. Oktober 2011 uf die 09.06 Uhr. Sie isch 49cm chli und 3590gr schwer♥♥♥
★★★★★★★★★★★★★

gorgerous84(Niggi,27 Joor altus Langwiese ZH)
Mit de Jill Enola♀, gebore am 8. März 2010 uf die 14.13 Uhr. Sie isch 49cm chli und 3430gr schwer
Insiderli 25.04.2012♥♥♥
★★★★★★★★★★★★★

85ela (Manuela, 26 Joor alt us Thayngen SH)
Mit em Julien Jay♂, geboren am 09. April 2010 uf die 11.54 Uhr. Er isch 50cm chli und 3760gr schwer♥♥♥
★★★★★★★★★★★★★

Kalinka2011(Amina, 24 Joor alt, us Basel)
Mit ihrem chline Müsli♀, gebore im Summer 2010 uf die 7.34 Uhr, 50cm chli und 3130gr schwer♥♥♥
★★★★★★★★★★★★★

missytinkerbell(Lisa, 26 Joor alt, us Basel)
Mit ihrer Hannah♀, gebore am 14. Juli 2010 uf die 13.43 Uhr, Sie isch 48cm und 3290gr schwer♥♥♥
★★★★★★★★★★★★★

luuumpi89(Ramona,22 Joor alt us Tann in ZH)
Mit de Sina♀, gebore am 24.12.2010
Insiderli 18.04.2012♥♥♥
★★★★★★★★★★★★★

sopiehnchen84(Sophia, 27 Joor alt us Thalwil ZH)
Mit ihrer Ronja♀, gebore am 7. April 2011 uf die 9.01 Uhr. Sie isch 49cm chli und 3375gr schwer♥♥♥
★★★★★★★★★★★★★

Nerazero83/Corinne(28 Joor alt us ZH )
Mit ihrem Jaron♂, gebore am 21. April 2011 uf die 19.57 Uhr. Er isch 53cm chli und 3560gr schwer♥♥♥
★★★★★★★★★★★★★

Zuckersuess20/Denise(us Heerbrugg SG)
Mit ihrer Aleyna♀, gebore am 28.Mai 2011 uf die 04.42 Uhr. Sie isch 51cm chli und 3570gr schwer♥♥♥
★★★★★★★★★★★★★

Fabi1351/Fabienne(27 Joor alt us Zug)
Mit ihrem Raik♂, gebore am 20.Juni 2011 uf die 18.49 Uhr. Er isch 50cm chli und 2590gr schwer♥♥♥
★★★★★★★★★★★★★

shannie84/Jeannine(27 Joor alt us Immensee SZ)
Mit ihrer Céline Soraya♀, gebore am 8.September 2011 uf die 1.35 Uhr. Sie isch 42cm chli und 1840gr schwer♥♥♥
★★★★★★★★★★★★★

wuschilein/Nadja(23 Joor alt us Flums SG)
Mit ihrer Ayleen♀, gebore am 21.September 2011 uf die 10.08 Uhr. Sie isch 45cm chli und 3130gr schwer♥♥♥
★★★★★★★★★★★★★

starlight203/Katie(20 Joor alt nöchi Züri)
Mit ihrem Noah♂, gebore am 20.Oktober 2011 uf die 04.16 Uhr. Er isch 51cm chli und 4150gr schwer♥♥♥

Unseri (no) Kugelene

☼ursina78/Ursina(33 Joor alt chunnt us em Uri)☼
ET 10.12.2011
♀Es git es Meitli♀
Dreiht 2✯✯ im Herze
★★★★★★★★★★★★★

☼luuumpi89(Ramona,22 Joor alt us Tann in ZH)☼
ET: 18.04.2012
☉Es isch (no) es Ü-Ei☉
★★★★★★★★★★★★★

☼gorgerous84Niggi, 27 Joor alt us Langwiesen ZH)☼
ET: 24.05.2012
☉Es isch (no) es Ü-Ei☉


Fähler, ändrige oder "erwiterige" bitte mir mälde.
Wird im neue Fred den ergänzt oder verbesseret!


VIEL VERGNÜEGE

Mehr lesen

20. Oktober 2011 um 13:04

Juhuuu
eeeendlich de neui fred isch doo

jeannine du wohnsch ez in immensee hesch xeh aso kein dumme latz meh haha

den hani euse neuakömmling au grad dezue da dasi mir scho ihri date gschickt het! nomol welcome LISA..

katie din chline wurm noni mol 12 std alt aber stohsch scho bi de mamis

ramona bi dir hani de ET gänderet ich hoff has no richtig im kopf gha?

sust hets glaubs kei grossi änderige geh.. hoff isch guet soo..

Gefällt mir Hiflreiche Antwort !

20. Oktober 2011 um 13:15

Danke niggi
Für de neui fred supi gmacht.

Gefällt mir Hiflreiche Antwort !

20. Oktober 2011 um 13:55

Salüüü zäme
Katie gratuliere! Bin mega gspannt uf de GB und fötelii wow jetzt hesches endlich gschafft so schön

Niggi, danke jetzt hebi min latz.. Isch alles tip top so wies staht

Fabi, ouu seebodealp, det bini mega gern, chume nögschmal gern mit wie heisst denn dini kollegin us küssnacht weni frage dörf (muesch scho ned de ganz name schriebe )? Bin z küssnacht ufgwachse

Min kinderarzt hed jetzt au s flatulex verschriebe mal luege wies würkt bi de chline

Weiss gar nüme was suscht no gschriebe worde isch
meld mi spöter nomal

Gefällt mir Hiflreiche Antwort !

20. Oktober 2011 um 15:50

noah
gratuliere de neue familie vo herze und wünsche en guete start!!

@jeaninne: hoffe gat dim müsli besser mitem neue medi!

@kinderwage: (isch glaub d bea gsi wo gfragt het??) aaalso ich ha de glich wie d niggi allerdings gerbt.de isch super mit de luft-pneu und sie hend viel platz und so.s einzig wo mi gstört het a dem: nachdem ich de sportsitz ha druf ta (also nüme d wanne) han ich sie nüme chönne aaluege bin de mit de ela an werksverkauf vo osann (im dütsche) und ha für 150 eine vo beebob ergatteret wo ich sie zu mir und vo mir weg drehe cha.isch nur ein ufsatz wo ich cha es sitzli oder d wanne drus mache zum flach liege.det het si halt leider nit sooo lang drin platz aber ha denkt für de priis...mir isch halt viel dra glege dass sie mich gseht,tut am chind guet für d entwicklig.de ander hemer allerdings bhalte und bi de eltere glageret will mit de grosse räder isch de für e "bergtour" eifach besser.aber für mal biz in wald gat de ander guet.

so muss wiiter schaffe....

Gefällt mir Hiflreiche Antwort !

20. Oktober 2011 um 16:11

Juhuu
Neua fred

Herzlich wilkomne .... (name vergessa sorry) ufm iphone gsehtme nie die antworte nu das womer schribt

Katie we goz eu?

Jeanine gell das flatulex isch das dluft besser weg got? Het min kia au mol erwähnt

Me: sind gad zrugg fum KIA da ayleen goz tiptop sie het 3730 (no liichter as da noah fuda katie ) und isch knapp 50cm . Nächstmol wird gimpft ha irgendwie schiss vor dem impfa, we ischs euerna chind gange noch da erschta impfig?

Gefällt mir Hiflreiche Antwort !

20. Oktober 2011 um 16:23


Nadja, ja das isch geg die luft das flatulex, hend viel da ine scho gseid das segi guet ussert öpper (glaub corinne?) mal luege wies nützt, obwohl, ha s gfühl isch sowiso scho besser, sie drückt zwar mängisch wie gstört aber brüeled nüme wäred dem.. Weiss jetzt gar ned ob ichs überhaupt söll gä

Mann sie wott eifach ned schlafe muess scho wieder go gügsle

Macheds guet

Gefällt mir Hiflreiche Antwort !

20. Oktober 2011 um 16:39

Flautulex
Ja genau i has etzt nonid gno, sie hets besser mite chrämpfli siti da shoppa mit fencheltee amacha, muesch mol probiera dun ima thermoschrueg s heiss wasser ina und uf ca. 0.5l es büteli fencheltee chli zücha loh (nid der kinderfencheltee sondern normali büteli)

Gefällt mir Hiflreiche Antwort !

20. Oktober 2011 um 18:39


Danke an euch und an Threadstellerin das ich scho ufgno bi in dr liste

@früschs mamii, ich gratulier au no ganz härzlich, ich hoff isch alles gued gange e schöni kennelernzit

@flatulex, hani au gno ga bi minere hannah. Shet öbe gä do hät sis nid bruucht, aber han ihre sgliich gä. Smaachtere jo nüüd.

Sduuet mr leid ich ka mir nonii alles merke.

@basleriin, hallo ich han din namee vergässe. Findii megaa cool das ich dämfall nid ganz eleii bi us dr regioon.
Wie alt isch den diis ?

Iich wünsch euch e schönee obed!
Liebe gruess Lisa

Gefällt mir Hiflreiche Antwort !

20. Oktober 2011 um 19:26


tolle neue fred!

jeannine, sie heisst joelle isch glaub johrgang 1983 und chunt us küssnacht soviel i weiss... ach ja sie isch lehrerin (gsi, bis vor de geburt)... viellicht seit dir diä beschriibig was? süsch gits denn de nochname no per pn
ja isch mega schön gsi! wenns nid so spontan gsi wär, de het i di gfroget ka, aber mer hend ebe eigentli zerst z zug welle abmache

neui, herzli willkomme bi eus!

alle, hät öppert ä ahnig woni äs günstigs, guäts "smartphone" bechume, ohni vertrag ect. wot diheime au mol mitem natel chöne is i-net und ned immer an pc...

nadja, de raik hät di erst impfig relativ guät überstande... isch eifach di nächste 2 täg und nächt uhruig gsi und z nacht hät er ä dafalgan zäpfli becho, das er schö gschlofe hät....
er hät nächst mittwuch sini 2ti impfig... bi gspannt wiäs wird!

öhm.... de rest hani vergesse...

Gefällt mir Hiflreiche Antwort !

20. Oktober 2011 um 21:05

Nur churz..
Merci niggi für de neui thread und isch tiptop wegem ET Wie gahts dir?

@kathie Hey hoffe oi gahts guet und ihr gnüsseds so richtig

@neui Herzlich willkomme

Bin nöd so zwäg drum sorry dassi nur churz poste

Gefällt mir Hiflreiche Antwort !

20. Oktober 2011 um 21:33


Kathie was het si pote? pfuus gued, hoff de chasch vor luuter glück und bestuune

@ramona, ohjee no oder grippe?

So mir falle glotzis zue, nachtii

Gefällt mir Hiflreiche Antwort !

21. Oktober 2011 um 9:54

Morge
Katue, ui nei ned mal agluegt? Was söll das??? Das duet mer mega leid das di nach dinere geburt ab so idiote scho wieder muesch ufrege. Hoffe hesch scho chli chönne schlafe? Hesch scho probiert d stille?

Wilkomme Lisa

Nadja, ja gibe au fencheltee aber nur so 1-2mal am tag. Duesch du de schoppe jedesmal mit tee amache?

Wie gahts am rescht so?

Bin denn mal wieder bim chline stürmi

Gefällt mir Hiflreiche Antwort !

21. Oktober 2011 um 10:07

Morgee
Hoff es got allne guet?

Jeanine: ja i mach jedesmol da schoppa mit tee, ha gmergt dases ihre besser got . Am obet chunt sie den amigs nu chli tee über .

Katie: hä wiso hetsna nid agluegt?

Niggi: ha im FB gläsa hesch müsa chratze? Schnee? So chalt gsi?!

Gefällt mir Hiflreiche Antwort !

21. Oktober 2011 um 10:23

Guete morge zämme
@kathie Ohje das isch denn schad die einte lüüt kenned echt gar nüt..Aber weisch was versuech die abzhänke und din schatz noah zgnüsse! hesch chli chöne pfuse??

@jeannine Wie gahts bi oi?

@all Wie henders? weiss nüm so was gschribe worde isch

@all zweitmamis: Mich killed die muetterbänder Kenne das so gar nöd vo de erste ss her, isch das normal dass das richtig fies chan weh tue?? ich meine ja chli es mensartigs zieh aber das phuuu...gester abig hani müesse go ligge...de ganzi unterbuch und rugge het volle hane zoge...es het zwar amigs scho wieder ufghört aber isch immer wieder mal cho Hans etz hüt au na...aber nüm so heftig wie gester!

Min schatz wird hüt 25gi und ich han e chlini überraschigsparty organisiert und bin drum wie verruckt am vorbereite (wohni putze, bache, choche ec..) Wird sicher cool und er wird voll überrascht si

Gefällt mir Hiflreiche Antwort !

21. Oktober 2011 um 10:34

Katie
Uuui nei jo was ish passiert? Da bish gopf bald 3 tag wach hesh e riese wunder hinder dir no es grösser wunder uf de ärm und eini wo stresst!! vorallem so kurz noch de gebur! Ich würere grad zimmerverbot gee haha

Nadja joo gopf nur 0 grad gha aber zum glück no ke shnee!! Ha no summerfinkli druf! Werdet grad gwechslet next wuche! Weish mis auto spinnt am mittwuch heter nüm ufghört heize und hüt heter nid gheizt haleluja we liebis haha

Ramona ui echt?? Nee ich ha das mol gar kai zieh und nix und wen den eimol recht fest als wûrsmer was iichleme.. Aber da gat de grad wieder verbii..

De rest weissi nume sry.. Gange etz in rueh go dushe ohni kind juhuuuu

Gefällt mir Hiflreiche Antwort !

21. Oktober 2011 um 13:50

Gratulierä
hey katie mach der kenn chopf und gnüss diä ziet mit dinä zwei schätz.

@niggi/ramona wiä gohts eu mit der ?

@jeannine schön das der celine besser goht. hoffä es bliebt so.

@rest wiä gohts eu?

weis nüm wär gfrögt hät wäg dä feriä. mir gönd uf wuppertal, dütschland. eifach nu wäg und nüt im hh müssä machä. freu mi. mir fahräd hüt ider nacht ab.

@me das mit em schlofä klappt leider doch nid so bim julien. es tuet mer richtig weh, aber ich loh ihn etz eifach schreiä, weis nüm wasi söll machä. er will immer spielä und pläuderlä eifach nid schlofä .

Gefällt mir Hiflreiche Antwort !

21. Oktober 2011 um 15:00

Huhu mädels!
@katie: oje tut mer de leid.das trifft einem scho biz.wie gaz denn dim fründ debii?

@lisa: wellkömm au vo mir!

@ela: wünsch der ganz schöni ferie und gueti erholig!villicht wirds ja au mitem schlafe biz besser wenn ihr biz entspannter chönd sii.drucke d düümli.und merci no wegem luege im dm.

@ronjas schoppen-krimi: nachdem ich ja uuuh viel verschiedeni pulver probiert han,het sie mir am schluss de vo "holle" gno.hend denn denkt,ja guet de probiere mer sus nomal de ersti womer es grosses pack devo hend (hipp).het sie au gno.juhuu ich go schaffe,papi in tierpark mitere und sie nimmt wider NÜÜÜT.guet,bini wider go holle-büteli kaufe und gester het sie das tatsächli gno woni am schaffe bin gsi.allerdings hani vorher no mit ihre gredet.han de mübe aglüte ka und sie het gseit,ich selli de ronja erkläre,dass ich ga go schaffe und sie de pulverschoppe überchäm und ich am abig wider chume.sie merki das wenn ich agspannt bin.wer weiss obs jetzt wirkli weg dem klappt het.de brei nimmt sie inzwische au immer besser und sogar wasser-schoppe.brei hani au vo Holle verschiedeni.

@min arbeits-krimi: also ich ha hüt entschiede,dass ich de einti job ufgibe.tut mer zwar biz weh aber de stress und ufwand isch mir z gross für dass ich eich vollbluet-mama bin.vorher hani det 60% ka,jetzt 20%,aber arbeit hani immer no glich viel z erledige und so chumi eifach nie uf de grund.und weni da immer so muss ume bastle,damit ich mit mim maa zäme frei han und de no es schlechts gwüsse überchume denn isches mir das nit wert.ha die letzte täg so schlecht gschlafe deswege.und mim maa wärs au lieber weni weniger bis gar nüme schaffe und denn passt doch das.ich denke,wenn mir jetzt würkli viel am schaffe wür lige denn wür mich au die organisation nit so stresse.

@ronja: hüt isch sie s erste mal fremdbetreut worde.bin hüt is fitness zume base-check und die hend chinderhüeti.segi guet gange.bin so stolz uf sie.und ade andere chind het sie au mega freud.im moment isch sie au so schmüüselig ihri zähnli schafft sie au ganz tapfer vüre (hani gseit ka,dass de erst scho dure broche isch?).sie isch biz unzfriedener als sust aber muss zum glück nit viel brüele.

@denise: wie gaz eich bi dir mitem schaffe?

@niggi: was machsch jetzt morn mit de olma?hoffe ihr findet da e lösig,du und din maa.

@ursina: flissig am ii- und uspacke? ahh wür au gern....

zum rest weissi grad nüme so recht tschuldigung...

@ramona, dich hani mal no was wele frage weg de hochziit schriib ders de baldmöglichst no im fb...

liebi grüessli
sophia

ps: corinne warum schriibsch au du mich immer mit f da inne??

Gefällt mir Hiflreiche Antwort !

21. Oktober 2011 um 20:51


han gad en status vo der kollegin gseh

Im krankenhaus, fragt ein baby das andere:
A: bist du ein junge oder ein mädchen?
B: ein junge.
A: beweis es mir!
B: okay, wenn die schwester weg ist, dann zeig ichs dir.
Die schwester geht.
Der kleine zieht die decke weg und sagt: siehst du, blaue söckchen!

Gefällt mir Hiflreiche Antwort !

22. Oktober 2011 um 17:13


Isch bo niemert do gsi hüt ??

Goz allne guet?

@witz: hihi de isch guet

Katie: we laufts mitem noah? Stillsch du?

@me: üsers shooting isch guet gange ayleen het poset wene model uu süess

Gefällt mir Hiflreiche Antwort !

22. Oktober 2011 um 21:15

@katie
jöööö de noah isch jo uuuu en süässä!!
hoffä das äs ihm bald besser goht und er nöd all z ufest gelbsucht bechunt!
Schön das d milch am cho isch! de raik hät am afang au schoppemilch becho, will er so viel abgnoh hät und mini milch ned cho isch...
dini schwieMu isch ja unglaublich Säg ihre mol richtig dini meinig, da häsch rächt! wa meint din fründ dezuä, duät ihm sicher weh wiä sich sis mami verhaltet oder?
wünsch dir ä erholsami nacht!

@me... bi au sooo müäd... mini eltere vergötteret de raik und er mag sie au, isch nur am lache aber isch streng... mini eltere wönd immer was unterneh... und irgendwiä düänd am raik wieder d zähnli weh... ha gmeint mer hend jetzt mal ruhe, aber isch wohl ned so...

sooo... i gah go pfusä.... mal luägä bis wenn

Gefällt mir Hiflreiche Antwort !

22. Oktober 2011 um 21:32

Katie
Er ish zucker ha etz zerst in müesse go aluege befori do min senf dri shribe
Hmm ish jo krass und wens so ish segs ihre uubedingt tönt so we bi mir und minere shwimu und ich ha ihre meinig erst noch dem jill es jaar uf de welt xii ish aber sit da ish guet oder besser aso sitz jooo nid ufs muul au wenn dir din shatz leid duet und quassi de mitti stot!!

Sophia uui joo wens so en stress ish würi au kürzer trette bringt jo den nüd eso.. Nur stress für all..

Manu coole spruch und shöni ferie

Ursi uuui bald heshes gshafft mit zügle und den stot den es kizi chami no erinnere was das füres gfühl ish me muess jede tag ine go luege hihi

We gats im rest?? Sexy mamma??

Mir ish hüt de ganz tag xii echt super lässig.. Jill het us unerfindliche gründ ke mittagsshlof gmacht aber si muess glich 1 1/2 std über mittag is bett si het eifach en riese roman verzellt statt pfuset haha
Und ich gang au bald undere gar nid min tag xi hüt...

Pfuset guet ihr liebe

Gefällt mir Hiflreiche Antwort !

22. Oktober 2011 um 21:39

Kathie
do hesch wiirklich e ganz e härzige buueb!

@niggi, ohjee das duet mr leid mit de übelkeit, iich hoff shet glii es ändii. und das dis töchterlii niid gschlofää het isch au eher niid so toll

sorry iich bii extreem mied, iich gang go schlofää

Gefällt mir Hiflreiche Antwort !

22. Oktober 2011 um 22:23

Hoi mitenand
Ouu meno will de noah au gseh.. Wo chani luege??

Ou sophia bi mir isches gnau umgekehrt.. I cha shoppe geh wie ich will bi mir ninnt sin eifach nöd.. Still sie immer no aber ha mol mit fencheltee agfange.. Aber ebe um sus wenns goht würi au dihai blibe, machsch dich jo nur fertig..

Obwohl ich mue sege s schaffe tuet scho guet

Ouu katie du armiii so e blödi schwiegermuetter.. Die chönnt mir gad gstohle blibe.. Cha doch da nöd so egoistisch versaue

Ouuu ursina bisch demfall scho voll am zügle, sooo schön

Wie hets dualmom? Und de rest nerazero usw??

Me : hey ich bi soooo hässig min maa isch hüt use , und die chliiiii het sooooo fescht ghület i ha nüme chönne . i hanem vorher aglütet er söll hai cho bi fix u foxy ha gschaffet bi wort wörtlich uf de schnooreee und er seit jo er heg z viel gsoffe er chönn mir au nöd helfe .. Sorry so es a.... !!! Er muesses immer so übertriebe sooo verantwortigslos !! Echt etz channer mi mol und ufm sofa penne ! I glaub nur ich ha amel so pech mit de mânner immer nur ärger

Jo nu en schöne obig gnüssets me alsi hoffi

Gefällt mir Hiflreiche Antwort !

23. Oktober 2011 um 8:23

Denise
Haha ich ha denkt ich heg de abschnitt wegem maa gshribe! Ish natürli nid läss..
Als mami muesh mega iistecke und abstriche ish bi eus am afang au so xi er immer weg go sufe und so ich sauer dahai aber nur weli nid ha au chöne weg go suffe und wo ich abgstillt ha ishes besser worde joo und etz bi ich die wo uf de putz haut und er bliebt dahai haha

Aber hoff ish wieder als okebi dir??

Bi de andere au? Ramona we gats dir? Und dinere ???

Soo muess ufstoo und was esse ha hunger und mir ish hihi

Shöne suntig

Gefällt mir Hiflreiche Antwort !

23. Oktober 2011 um 9:13

Niggi
Jo du i hoff au dases hört wenn ich nüme stille .. Aber die ninmt mo
Jo kain shoppe gseht gad chliii schwarz us

Ufjedefall han ich im zimer pennt mit de chline und d zimmer tür bschlosse , den hetter am morge am
5 i agfange klopfe . I hanen i dem moment chöne töte echt.. Aber vielicht wer ich afach au mol gernbiz use, aber nai i hock
All allai ume

Jo nu nöd depriii siii swetter hüt wird gloob super

Niggi dir en schöne tag bisch jo scho fliessig unterwegs

Gefällt mir Hiflreiche Antwort !

23. Oktober 2011 um 11:02

Guete morge
@kathie Jöö de noah isch en rise schnüggel meeega süess!!
Es tuet mer voll leid für oi dass ihr oi jetzt mit sonere schwimu münd umequäle! das chans doch eifach nöd si! aber ich findes guet wenn du ihre dini meinig mal klipp und klar seisch! ich het das au selle mache..han viel zlang gwartet demit und jetzt isch dsituation eso dass mer nüt meh ztue hend mitenand
Wenn dörfsch hei? Isch scho chli besser mit de gelbsucht?

@sophia Ich findes super hesch di so chöne entscheide und de einti job ufgeh....es bringts nöd wenn mer sich kaputt macht! Wie gahts oi so? dSina het etz au zwei zäh

@manuela Wünsche oi ganz schöni Ferie, gnüsseds und erholed oi guet

@nadja Cool wegem shooting hender oi demfall wieder versöhnt?

@ursi Oh ja das chani mir nur zu guet vorstelle...zügle isch immer en seich findi! aber nachher defür umso schöner! sinder scho wiit? guet gahts dim popp wieder besser! Ich chan mer das gar nöd vorstelle, sicher mega schmerzhaft

@fabi Ohje die cheibe zäh..hoffe isch bald chli besser! Gnüssed s`schöni wetter!

@niggi Ohje hoffe hesch hüt de besseri tag! wie gahts der bis jetzt? mir isch au na jede tag schlecht aber es wird langsam besser...di schlimmste zite sind verbi! D`mörge sind eifach schlimm...aber gahn am di wieder go schaffe...


@denise Verstahn di guet, dass müssti aso au gar nöd ha aber es isch halt wüki chli so...als mami muesch mega verzichte und de maa chan sis lebe fast chli so witerlebe wie vorher! bin froh..mine isch gar nöd so! er will immer mit de chline und mir zämme si und drum gaht er nie in usgang. wenn denn gebemer di chli am mami und gönd zäme! wenn er würd welle gah würdi ihn scho ab und zue mal gah lah aber jedes wucheäand müssti das nöd ha! Isch jetzt wieder guet bi oi? Hoffes...will hüt wird wüki schöns wetter

@me ab nechst wuche gahni wieder go schaffe....langsam isches ushaltbar mit de übelkeit! susch gits nöd viel neus ussert dass dsina am chränkele isch..zum erste mal. verpfnüsleti nase und de hueste....mis arme müüsli!

Gefällt mir Hiflreiche Antwort !

23. Oktober 2011 um 12:20


Katie: jöö er isch u süess oha ja gelbsucht hend vieli babys, muser underna lampe go?

@männer: jaa das kenni noch au, die cheibe männer

Gefällt mir Hiflreiche Antwort !

23. Oktober 2011 um 18:18


Huhu zäme,

Katie, de noah isch en mega schnügel, hender guet gmacht weisch scho wenn hei chasch?

Noggi, nomal en guete bim tischgrill hüt abig, mhmmm wott au!

Nadja, dörfi frage wieviel ihr für das shooting zahlt hend, wür das au mega gern mache aber isch glaub no tür

Denise, das würmi au uf palme bringe. Has ned chönne usstah wenn min es e fahne gha hed, und weni mer no vorstelle miteme chind dehei und er wär bsoffe heicho hoffe aber ihr hends jetzt wieder guet?

Ursina, fertig zügled?

Ramona, hender eigentli jetzt d ring scho kauft?

Me, icj chum langsam echt a mini grenze, chume zu nüt, geschter wo sie mal entlich schön gschlafe hed und ich endlich mal ha chönne bei strecke hani soo mega herzrase übercho und afa zittere.. Öppe 2h lang hed mer scho chli angscht gmacht, aber jetzt gahts wieder besser

No e schöne abig... Die pflicht ruft

Gefällt mir Hiflreiche Antwort !

24. Oktober 2011 um 9:28

Gueta morga
Hoffa ier sind guet gstartet

Jeanine: ja die shooting sind eba sus mega tür aber das isch sehr billig gsi, ha woni im spitol gsi bi a prospekt gseh ka wo eini privat dahei shooting nacht. Zahlen etzt 180.-- mit allne bilder uf cd . Sus zahlsch jo kei anig we viel

@me: gescht hemmer zerscht mol noch da geburt gherzlet aso i und min schatz . Isch mega schön gsi. Ha zwor da dammschnitt chli gmergt aber nid schlimm. Finds etzt sogar besser as vor da geburt . We isch das bi eu gsi und we lang henner gwartet? Bi mir ischs etzt 4.5 wucha gsi.

Gefällt mir Hiflreiche Antwort !

24. Oktober 2011 um 11:00

Hallo
oh ich chum i mom fascht gar nid zum schriebe und ihr bombadieret immer

@herzle nach de geburt, ich und min maa hend uns mega viel zyt glo, glaub ca 4 monet nach de geburt erst wieder. es het meeeega weh do und er isch chum ihne cho, mini nooht het brennt und nur mit viel gleiti ischs gleitet ^^
han lang mieh ga.
ich finds nümm so toll sit de geburt, wobis langsam wieder chunnt. aber die erscht zyt isch für mich horror gsi

@shannie, ohje ohje das hört sich jo gar nid gued ah. hesch das scho immer mol ga das herzrase?
hesch den niemert wo dr mol ei zwei stund helfe chönnti?
i muess erhlich zuegä wäri elei erziehend wäri scholang duregstartet. i chönnts nid. i zieh de huet vo jedere eleierziehende

@männer usgang, aso mine isch nonie sit ich schwanger gsi bi endi 09 nie meh ohni mi in usgang oder weg. und wenn den nur wägem gschäft oder nach dem froilein gschlofe het.
er wet zwar wiedermol uf pischte, aber ich losen nid heicho wenner betrunke isch
und ich ha selber au nid sverlange in usgang, is kino oder ein go schnappe mit gmietliche lüüt, meh nid

@ursina, hey ich hoff das züügle alles problemlos duregoht. das nix kaputt ghaue wird. jo sw züügle isch en mischt, ich bi zwar i de 10ssw gsi, aber au mega doof, hät sotte liege und nix mache aber ha glich koordiniert ^^
au mit baby züügle isch für katz

@me, nix neus... viel stress und doch kein ^^

@Lisa, vo wo bisch den genau? schaffsch du no?
wenn mol luscht hettisch uf es treffe, grien80ig oder eso?

fraue ich wünsch euch

Gefällt mir Hiflreiche Antwort !

24. Oktober 2011 um 12:48

Hello
@jeannine Ohje du armi...du hesches au mega streng! ich würd au wenns irgendwie gaht das dis mami mal e paar stund chan uf sie luege und du denn öpis für dich tuesch! in rueh gahsch go laufe, go schlafe, es bad, en film, eis go trinke, go lädele...was dir freud macht! du muesch unbedingt energie tanke...ich denke au dass isch din körper wo reagiert und seit hallo stopp es wird langsam zviel!
nei mir hend dring nonig kauft aber es paar ganz schöni in ussicht..

@nadja Wow schön, freut mi dasses guet gange isch. Mir hend au nach 4wuche wieder s`erstemal und es isch mittelmässig gsi. nöd extrem schmerzhaft aber glich gnueg schmerzhaft dassis nöd richtig han chöne gnüsse (han en zimlich gäche labieriss gha)...aber vo mal zu mal isches besser gange und etz isches wieder richtig top! sèinzige was isch...dassi irgendwie änger bin als vorher. ich weiss tönt unlogisch..isch aber eso oder fühlt sich zumindest für ois beidi so ah

@amina merksch denn du de dammriss no oder warum findsches nüm so toll?

@all wie henders? wie gahts de süesse chind?

@me mir gahts sowit okey...übelkeit no da, aber guet erträglich! bin nur bitz trurig will min schatz am dunschtig in wk muess für drüü e halb wuche ich schlaf denn immer so scheisse..aso eig schlafi praktisch nüt willi soen schisshass bin elleige und ja schisst mi eifach grusig ah
susch gahts mer guet..gahn ab morn wieder go schaffe..freu mi druf aber isch au uhhhh schön gsi immer mit de sina zäme si

Gefällt mir Hiflreiche Antwort !

24. Oktober 2011 um 14:09

Soooooo
jetzt schaffis endlich mal! Mir sind es paar Tag in Italie ide Ferie gsi. Isch so lala gsi.

Us: eus gahts guet, die chli hät all zwei Stund hüngerli und mit grosse Gschwüstert isch das na zimli sträng. Aber ich cha immer na voll stille, das isch super.

Manne: min traut sich nid betrunke hei zcho. Aber es langet wenn er sich di hei betrinkt und nachher im bett schnarchet wie es Walross!! . Er gaht würklich selte us, und wenn chunt er ganz akzeptabel hei.

Herzle: bi beidne chind hets länger duuret. Und dasmal müend mir en aidstest abwarte, und de isch erst endi november... Also au wieder länger warte.

Gib mer mühe meh z'schriebe...

Gefällt mir Hiflreiche Antwort !

24. Oktober 2011 um 15:35

Dualmom
Wenni dörf frooge, wieso de aidstest?
Schön das stille klappt trotz stress mit de anderne dezue. Uii all 2std. Das hemmr au ga, i weiss gar nid wieni das überstande ha

Gefällt mir Hiflreiche Antwort !

24. Oktober 2011 um 17:57


@sabrina: wega aidstest abwarte?

@jeanine: oha das mitem herzrase isch aber nid so toll . Sin dini eltera nid ir nöchi? Oder da vater fum chind? (sorry weni froga) du bisch jo alleierzüchend, sinner demfall nüm zäma ? Glaub i wür au voll duradreia, i bin amel au froh wenn da fründ heichunt das er mol a wili chan luega. Guet mus sega sie schloft no relativ viel am tag, aber glich sie het au iri brüelizitne wo laaang chön duure.

@männer: hmmm naja mina trinkt eba no öpadie gern eis, und er trinkt den amigs whiskey cola und das züg stiiinkt bös, ganz a wüeschti faahne git das . Grusig i mag alk sowiso nid.

Katie? Wenn döfsch hei? We goz am noha?

Gefällt mir Hiflreiche Antwort !

24. Oktober 2011 um 18:15

Aidstest
Min maa isch ja polizist, woner en flüchtige iibrecher gschnappt hät, de iibrecher hät sich d'hand ufgrisse, isch dem siis bluet werend em kampf mim maa is gsicht gsprützt. D'schliimhüt sind scho nur e gringi chance zum sich aastecke, aber d'chnace isch da. Und ich wot keis risiko iigah. Drum de test!



Ahhhhhh, KATIE!!!!!! Gratuliere!!!!! Din Noah isch ja mega schnügge!!!!! Häsch scho en gb inne gstellt? Isch alles guet gange?

Gefällt mir Hiflreiche Antwort !

24. Oktober 2011 um 18:33

Achsoo
Hani nid gwüsst! Huere krass verstanfdi nat. Wegem aidstest.

Gefällt mir Hiflreiche Antwort !

24. Oktober 2011 um 18:44

Oha
Voll die action im bruef . Den würi natürli au abwarte

Gefällt mir Hiflreiche Antwort !

24. Oktober 2011 um 20:09

Guete abig
Sabrina..verstahni, da würi au warte. Aber isch sicher nüt passiert! Planeder eigentli no es 4. Baby

Ramona, hoffe du haltisch d nächt us ohni din schatz, susch schriebsch eifach is forum, mir hend ja öppe de glich rythmus oder schicksch mer im FB dini handy nr. De asch mer via whats app mal schriebe wenn ned chasch schlafe (sofern du whats app hesch )

Niggi alles klar im hause rohrbach?

Fabi, hesch no bsuech?

Manu, hoffe ihr gnüssed eui ferie?!

Ursina wo bisch au du?

Sophia, cha mi no erinnere dass du mal gschriebe hesch dass du nach de geburt so gschweiselet hesch (sorry ) .. Das isch bi mir jetzt au so, chönt 3mal am tag dusche.. Miefe so schnell wieder

Ja ich denke au dass das herzrase so es zeiche vom körper gsi isch.. Aber ebe jetzt gahts wieder besser. Das mit mim mami isch ebe sone sach, eigentlich hemmer scho planed dass sie mich chli understützt, sie lieded aber under depressione, isch jetzt 2jahr tip top gange drum hamer au kei sorge gmacht das das ned klapped mit de chliine mal abgeh.. Jetzt ischs aber plötzlich wieder cho vor 2wuche, ziemli starch sogar.. Sie isch jetzt1 wuche inere klinik gsi und hüt isch sie wieder heicho.. Und ich möcht sie ned belaschte au wenn sie seid es seg keis problem sie hed halt e ziemli schweri chindheit gha.. Mann das duet mer amigs so leid

Nadja, zum chindsvater hani kei kontakt meh er isch us ägypte (ferieliebi)..

Voll s chaotische läbe gelled

Naja aber chund scho irgendwie guet, d céline isch mis gröschte gschänk und für sie möchti starch sii...

Sorry fürs ushüle.. Habe fertig!

Gefällt mir Hiflreiche Antwort !

24. Oktober 2011 um 20:26

Ladiiies
Guet gits eu was ish den dasfüren besch*** mentig xii??

Jeannine ich seg jo sho lang zügle mol imini nöchi ich nimm si dir jede tag es paar std kes problem aber du wohnsh sooo wit weg
Aber respect vor dir! Und jo ish echt doof weg dim mami.. Chani guet verstoo..

Sabrina shö gats eui sowit guet und das mitem aidstest ish verständlich aber das du no magsh sex ha miteme 2 std rhytmus plus 3 kind?! Hoppla ich het kai bock!!

Ramona we gats mit de ?? Cool morn go worke muesh di sicher überwinde au gell aso mir gats amix soo..

Ursi wo bish du? Im zügel stress??
Sophia und duu? Alles ok?

Amina hoff ish au alsguet??

Ich ha hüt mi maa anderstaloo weli gmeint ha er heg min autoshlüssel gno weller gest mis auto gno het joo und den ish mir in sinn cho ich hanen ide andere jacke! Brav aglüte und entshuldigt und immer no shlechts gwüsse fühl mi nid wohl het mir mega laid daa!!
Den de ganz tag bi de mum xii go kind hüete und etz nudelsackfertig gheii is bett..

Gefällt mir Hiflreiche Antwort !

24. Oktober 2011 um 23:54

Hallo
lebe no aber grad meh schlecht als recht.mir versinked im chaos und min maa het voll d krise drum.also ich au aber mich plagt no einiges meh.han ja mis gugge-gwändli de kollegin gä zum mache dass ich nur no sis muss mache jetzt lùtet sie aa und seit sie schaffis nit *heeeuuuuul* jetzt hani hüt no mega gschaft aber ich wird nie alles fertig becho bis am 11.11.!!!!voll die panik.... und dezue chunt no de ganz stress mitem schaffe.min maa hets inzwische krank gmacht.also isch ja scho d jahresziit defür aber denke das alles macht ihn eifach aafälliger.hoffe er kriegt no d kurve und chunt nit no mit fieber und so.er traut sich scho so fast nit zu de ronja und morn nami set er ihre luege nachdem er selber scho am 4h muss afange schaffe.hüt ha ich bis 11h gschafft und er ab 12h das heisst er het sie mir müsse zum schaffe bringe.isch doch keis lebe so...

@jeannine: es isch mega unagnehm aber es lat imfall mit de ziit nah.

so mag grad nit uf meh iiga sorry...d ronja wür ja schlafe aber chume selber gar nit dezue... bin so kaputt...

hebed oi sorg!

Gefällt mir Hiflreiche Antwort !

25. Oktober 2011 um 6:55

Guete morge ihr liebe
@Sabrina Voll die Action...ja isch sicher gschiider au wenn nur e chlini chance bestaht!

@nadja Bierfahne isch au nöd besser Wie sind eui nächt? Chönder chli pfuse?

@jeannine Dir hani ja scho im whatsapp gschribe

@niggi De hütig Tag wird besser wie gahrs mit de ? Wegem schaffe...ja mun mi scho chli überwinde, würd 1000mal lieber bi de sina blibe. Und weisch etz bini scho huere lang nüm gsi...all werded mi fröge woni gsi bin und wasi denn gha han etc... Mini übelkeit isch leider immer chli da aber ushaltbar...gaaaanz langsam ischs am bessere. Mun eifach immer öpis ässe, sobaldi en leere mage han wirds mer

@sophia Verstahn oi guet! Isch gar kei eifachi situation Was macheder jetzt? Überleisch din job ufzgeh? Wieviel % schaffsch denn etz no?

@ursi Alles guet bi oi??

@amina Wie gehts?

@manuela Ich hoffe ihr chönd ferie so richtig gnüsse und voll entspanne

@fabi Sind dini Eltere na bi oi?

@me Ich schaff hüt sit längerem wieder emal vom 11i bis 19uhr. Han grad huere müeh wenni dra denke aber villicht chunts ja tiptop use

Gefällt mir Hiflreiche Antwort !

25. Oktober 2011 um 8:44

Gueta morga
@ramona: ja sie schloft relativ guet in letschder zit chunt nur eimol ir nacht oder 2mol (je noch dem wenn sie am obet sletschmol drunka het) und nochem shoppa chasi is bett due und den schloft sie. Hoff blibt so

@niggi: we goz dir eigentli mite ss? Ha so nix mitübercho . Hesch beschwerda oder so? Oooha das cha passiera, aber meischtens sin au dmänner schuld gell, isch jo sus niemert uma woma cha beschuldige Er wirts sicher vergessa

@jeanine; we schloft celine ir nacht?

@me: abem januar duni für 4 monet fum 17.00-20.00 in triesen (FL) schaffa cha döta für eini wo im MUSCHU isch vertretig macha as objektleiterin . Nocher machi teilzit . Freumi scho.

Gefällt mir Hiflreiche Antwort !

25. Oktober 2011 um 21:53

Hallo mitenand
Sophia, sone seich mit dim gugge gwändli, was machsch jetzt? Chasch irgendwie improvisiere?

Ursina, ja schwanger zügle isch en kack, aber jetzt hender ja s gröbschte überstande. Düender denn no umbaue dass da no de chuchibauer und schriiner chund?

Nadja, normalerwies chund d céline so all 3h ide nacht schlaft sie eigentlich grad wieder schön ii nachem schöppele, aber geschter nacht und hüt dur de tag hed sie nie lànger als 1,5h gschlafe bin fascht dure dreit..

Bim schöppele nimmt sie 2 schlück und schreit voll denn nimmt sie wieder 2 und schreit wieder sisch voll schlimm weiss ned was das isch? Hed sie halsweh? Buchweh? Ider was isch los.. Kennt das öpper?

Katie, wie gahts eu? Vermiss di chli

Gefällt mir Hiflreiche Antwort !

26. Oktober 2011 um 8:47

Guete moooorge ihr liebe
sophia aa jooo bi eu goht jo ez den de 11.11 loos hehe ich weiss no das di agschisse het letscht joor welt nöd hesch chöne goo.. spielsch den au es instrument? das mitem guggegwändli isch echt doof, vorallem so kurzfristig

ramona und we isch din erste tag schaffe xii? isch guet gange?? isch der hoffentlich nie xii?

nadja mol meh mol weniger be mir hehe
cool das mitem schaffe..

ursi uuui das isch jo es gschichtli do chöntsch am liebste wänd uf gell? ich hasse so züg wens nöd so lauft wes sött vorallem das mitem putzte isch jo wohl die höhe!! ich wür die nöd zahle! vorallem bimene putzinstitut die settet wüsse weme wa wie putzt! han selber mol es jahr bi eim gschaffet aso familiär aber trotzdem hani gwüsst wasi muess neh zum putzte!!

jeannine we isch dini nacht xii? ha xeh bisch au scho lang wach hüt? isch besser oder brüeletsi immer no so viel? du armi schicke dir viel kraft..

we gohts im reste?

ich bin sit em füfi wach halleluja mir isch sooooo schlecht xii den bini uf kurz vor de 6i go en joghurt esse und es isch immer noni besser.. den hani so es komischs gfühl gha das es herzli nüme schlot den hani no en ss-test gmacht haha voll paranoia aber es set jo eigentlich scho guet sii.. hoffi mol weiss nöd obi söll next wuche schnell zumene US goo so zur sicherheit!! aber ebe mir isch so komisch trümmlig und schumrig sit gester und eifach nur no

sooo muess schaffe wer jo wieder mol mittwuch

Gefällt mir Hiflreiche Antwort !

26. Oktober 2011 um 10:17

Salü
@ursina: oo jee es git scho lüt wo nid putza chönd. Unverständlich sowas ... Aaber wer het den die wohnig putzt? A putzunternehma? WILL die wohnig het jo müsa übergeh werda aso fuda verwaltig kontrolliert werda ob alles no ganz isch und eba guet putzt isch. Kenn das fu üserem gschäft min papa het mit mina brüedera es umzug und putzunternehma, das mues jo guet putzt sie .

@jeanine: oha aso das mitem shôppela kenni nu so dasi zum teil so konisch jömmerlet und da shoppa nid wet neh (obwohl sie hunger het) ha den usagfunde dasi gôrpsla muen cha aber sie dasi sicher 10min brucht bisi görpslet. Musch vielicht mol usprobiera obsi das au ploget

@ niggi: das kenni mite angsch das herzli nüma schlot . Wenns die so beunruhigt würi doch alüte US oder eifach CTG

Gefällt mir Hiflreiche Antwort !

26. Oktober 2011 um 12:03


Ursina schwanger zügle isch dehammer hihi alli lueget uf diii und machet dopplet sooo viel damit du ned so viel muesch . Gnüsses.. Und e putzfirma derf erst abdüse wenn tiptop suber isch ! Also so viel i weiss müend sie d wohnig abgeh !

Niggi work time) was machsch du soooo früeh uf .. Hoffentliii gohts schlecht siii bald mol weg ..

Maiii katie du bisch so e armi ! I weiss wie da isch ! I ha au brüellet noch de geburt will i mini schwiegereltere s erst mol gseh han ! I ha immer no meh brüellet will ich denkt han mini arm chli bohne , i söt jo glücklich siii

Hey aber wer dich !!!

Schön hend ihr alli verantwortigsbewussti männer

Soooo ich gang nocher mit de kollegin go poste und den machemo e ladig breiliii hihi kochsession den tüemers gfrüre. Mini chli bohneee isch soo herzig aber sie weiss würkli scho dass e bizliii brüele langet und sie kriegt was sie will .

Wünsch eu alles guetiii ue schös tägluu

Gefällt mir Hiflreiche Antwort !

26. Oktober 2011 um 12:44

Katie
Was lauft den mit dera he? Wehr die nu, chas jo nid sie. Hoffa dwohnigssuechi klappt schnell daser schnell chön zügla au wenns den mit baby stressig wird .
Nee i dün nuno schöppela, ha au fascht kei milch meh ka da sie nid recht het wella trinka schiesst mi scho chli ah da i ha wella laaaang stilla.

Gefällt mir Hiflreiche Antwort !

26. Oktober 2011 um 19:18


bi au mol wieder do! mini eltere sind hüt hei gange!
isch schö gsi, sie do z ha, aber au stressig... ha de raik nöd würkli chönä mol "abgeh" well mis mami ihn ned cha lupfe im moment (2x d bandschiibe operiert) und min paps nöd so viel umgang mit babys hät und sich das ned zuätraut hät.... jo und de hends trotzdem immer wellä was unterneh ect... naja... aber isch schö gsi im grosse und ganze!

de raik isch hüt gimpft worde... und isch wieder glich müäd und quängälig wiä bi dä leschtä impfig.... tja...

ha gar nix nohgläsä... sorry! hoffä eu gahts allne guät?!?

Gefällt mir Hiflreiche Antwort !

26. Oktober 2011 um 21:32

Huhuuuu
Aso mol luege wasi zeme bring..
Katie eehm hallo ish jo di höhe!! Guet hesh ihre meinig xeit joo nid uf dir sitze loo..
Und whg was xi wo ihr agluegt hend hüt??

Nadja joo mol mee mol weniger guet gell

Fabi uui den hesh jo bald mee stress gha we ohni aber gnosse heshes sicher dini eltere

Ursi ring wasser hmm hesh uf eimol mega vil wasser becho? Falls jo ab zum arzt!! Schwangershaftsvergiftig abkläre loo.. Aso wet dir ke angst mache gell

Me gang morn zum FA kurz go US mache eifach mim gfühl zlieb ha ganz es komishs gfühl und wet das abkläre..

danke nomol jeannine

Pfuset guet...

Gefällt mir Hiflreiche Antwort !

Frühere Diskussionen
Diskussionen dieses Nutzers
Lust auf mehr Farbe in deinem Leben?
wallpaper