Home / Forum / Schwangerschaft & Kinderwunsch / Wir sind die Schweizer Kugeln&Mammas Vol.23

Wir sind die Schweizer Kugeln&Mammas Vol.23

22. September 2011 um 12:08


Schöne geburtsbrrriiicht isch jo voll rassig gangee... I wär glaub voll überforderet gsii , tiptop hesch da gmacht ha uf fb föteliii glueget majjj sie isch echt mega süess

Gefällt mir Hiflreiche Antwort !

Mehr lesen

22. September 2011 um 12:42

Uuuuu
Jeannine und nadja soo shö eui geburtsbricht bi grad am hüle dauerzuestand bi mir haha voll shlimm die hormon

Respect ohni pda nadja und etz muessi grad uf fb go luege

Jeannine we ishes den noher mit de shmerze xi? Wegem KS? ich ha nix chöne mache mir het das meeega weh due

Gefällt mir Hiflreiche Antwort !

22. September 2011 um 14:10

Denise
Xee kai fotis uf fb... Oder meinsh du die vo de jeannine??

Aaaa mittagsshloof mache duet so guuet und etz no go käffele... Es shlecht si looni dahai hehe

Gefällt mir Hiflreiche Antwort !

22. September 2011 um 14:18

Wauw
mega gb, han au gad tränä i dä auge becho.

@niggi wiä gohts der?


Gefällt mir Hiflreiche Antwort !

22. September 2011 um 16:02

Fb foti
Duni den ina weni daheima bin

Gefällt mir Hiflreiche Antwort !

22. September 2011 um 17:44

Jooo i ha d jeannine gmeint
Natürlich beidiii wow

Kriegsch gad gänsehuuut..

Gefällt mir Hiflreiche Antwort !

22. September 2011 um 17:45

Manu
Jooo easy haha bi hüt mittag de city xii und ha immer gluegt woni ev chent mi übergee het den aber glanget zums bhalte hehe etz bini ko und dir?

Nadja joo bi gspanne hehe

Gefällt mir Hiflreiche Antwort !

22. September 2011 um 18:11

Hallo
@geburtsbericht, si beidi super do bechunnt me grad wieder lust. Ha mine au grad nomol duregläse
Shannie, du hesch e SS-vergiftig ga das isch jo sch** weg dem isch dies müsli so chlii
Aber tiptop das si so fidel isch und dr hei hend chônne

@niggi, ui wow ischs dr so schlecht? i wür mi glaub dehei verschanze
Muesch chli zwiibak oder belvita oder wies heisse ässe!

@ phobie, jo i briell ame au und wird nervig und möcht das es ufhört und me mir helfe soll. Wür den ame am liebste is KH und nodlefasse aso jo richtig wiescht

Sooo i haus es au scho wieder

Gefällt mir Hiflreiche Antwort !

22. September 2011 um 18:23


Bin immer na da! Ja klar informieri!

Gefällt mir Hiflreiche Antwort !

22. September 2011 um 18:31


Wow mega schön die bede geburtsbricht zläse
Han au grad ad geburt vo de sina müesse denke, es isch so öpis mega schöns!

@niggi Ich chan dir voll nahfühle, es isch eifach nur scheisse Ich hoffe es verschwindet gli wieder bi dir und du muesches ned zlang erträge. Bi mir isches gaanz langsam an weg gah...aber git immer no moment wos eifach schlimm isch

Wünsche allne en wunderschöne Abig und e gueti Nacht.

Gefällt mir Hiflreiche Antwort !

22. September 2011 um 20:08


Hallo zäme,

Sophia, danke für d erchlärig wegem tuech, ich probiers denn morn nomal und susch luegi mal obi uf youtube öppis finde

Uii niggi mach mer kei angscht hed d jill echt 9 mönet lang i so churze abständ hunger gha??

Wie isch das bi eu anderne mamis? Denise, corinne und co? Was hend eui chline jetzt so fürne rythmus?

Nadja, super schöne geburtsbricht, eigentli genau so wie mer sichs wünscht

Nomal niggi, wie isch das eigentli wemmer e ss vergiftig gha hed isch mer da binere wiitere ss wieder voll afällig?

Weg de schmerze nachem KS muesi ehrlich säge hani Null gha, eifach nur wieen starche muskelkater. Ufstah isch zwar horror gsi aber ned weg de schmerze sondern willi ganz schwabligi bei gha han und ich mega schwer ha müesse schnuufe. Das hed mer denn au chli panik gmacht.. Aber isch demfall bi jedem chli anderscht

Katiie mir wennd endlich en name für dis würmli ghöre

Ursi durehebe, bisch ja jetzt au scho wiit

Soo probiere mal es stündli z schlafe

Gefällt mir Hiflreiche Antwort !

22. September 2011 um 20:50


Danke corinne das macht mer muet ich hoffe ich bechum das au so guet ane wie du! Mal e blödi frag.. Ich due ja nebem stille au no mit milchpulver schöppele... Gäll ich dörf das scho "vorchoche" in chüelschrank tue und nacher wieder ufwärme oder? Chume susch ersch recht kriese über wenn sie so schreit und ich de schoppe no muess ufchoche und arüere

Danke ursi, sie isch würkli zum verknudle. Au eues wird wunderschön. Babys sind immer herzig und ich glaube für jedi muetter ischs eignige chind so oder so immer wunderschön!

Aaach muess ufpasse susch wirdi wieder melancholisch

Gefällt mir Hiflreiche Antwort !

22. September 2011 um 21:16


Hoi zämä,
mir sind hüt uf de Rigi gsi... sooo schön und de Raik isch sooo en Schatz gsi im Tragtuäch, wenn er wach gsi isch hät er immer so Auge gmacht: und mitem Grossdädi faxe gmacht
Bim Picnic isch gad e Schuälklass au bim Platz gsi und dete isch de Raik voll de Star gsi und hät d Meitli wo ihn bestunät hät aglachet, blabberät und isch eifach voll de Cool gsi Er wicklät mir scho jetzt d Meitli um de Finger

@jeannine, ja eh, wenn mal nümä so im Stress bisch, seisch mers und denn chönd mer go Chinderwägälä goh, würd mi freue und ebe wenn mol niämert häsch zum uf d Célina luägä wenn wotsch irume oder so, seisch äs
Wegem schlofe, de Raik hät öppe 3 Wuche lang all 2 Stund hunger ka, egal ob tag oder Nacht... und denn hät er afange länger schlofe z Nacht und jetzt schloft er mindestens 1x i de Nacht über 6 Stund am Stuck... am Tag düre chunt er all 2-4 Stund chunt druf a wiä lang das er schloft... also äs besserät mit de Zit

@jeannine und nadja, sooo schöni GBs ha gad müäsä paar Tränli verdrucke

@nadja, häsch jo echt ä Traumgeburt ka! Wow! sooo schön!

@ursina, bisch scho witer mit de Chärtli? Ja mitem züglä ect. goht d zit de schnell ume und du häsch dini Muus bald i de Arme!

@corinne, ja das Wätter muä mer jetzt usnütze und solang d Schwiegereltere na Feriä hend gah i mit dene chli go wandere... morn gohts uf de Stoss, freu mi scho seehr druf! Denke au das es am Raik guät duät verusse z si... er isch uf jede Fall jede obig schön müäd!
jööö s lächle vom Jaron mit Zähnli isch jo uuuu herzig!

@rest, i hoffe äs gaht eu guät, i muä jetzt is Bett, muä morn fit si Guät Nacht!

Gefällt mir Hiflreiche Antwort !

22. September 2011 um 21:32
In Antwort auf shir_12122691


Hoi zämä,
mir sind hüt uf de Rigi gsi... sooo schön und de Raik isch sooo en Schatz gsi im Tragtuäch, wenn er wach gsi isch hät er immer so Auge gmacht: und mitem Grossdädi faxe gmacht
Bim Picnic isch gad e Schuälklass au bim Platz gsi und dete isch de Raik voll de Star gsi und hät d Meitli wo ihn bestunät hät aglachet, blabberät und isch eifach voll de Cool gsi Er wicklät mir scho jetzt d Meitli um de Finger

@jeannine, ja eh, wenn mal nümä so im Stress bisch, seisch mers und denn chönd mer go Chinderwägälä goh, würd mi freue und ebe wenn mol niämert häsch zum uf d Célina luägä wenn wotsch irume oder so, seisch äs
Wegem schlofe, de Raik hät öppe 3 Wuche lang all 2 Stund hunger ka, egal ob tag oder Nacht... und denn hät er afange länger schlofe z Nacht und jetzt schloft er mindestens 1x i de Nacht über 6 Stund am Stuck... am Tag düre chunt er all 2-4 Stund chunt druf a wiä lang das er schloft... also äs besserät mit de Zit

@jeannine und nadja, sooo schöni GBs ha gad müäsä paar Tränli verdrucke

@nadja, häsch jo echt ä Traumgeburt ka! Wow! sooo schön!

@ursina, bisch scho witer mit de Chärtli? Ja mitem züglä ect. goht d zit de schnell ume und du häsch dini Muus bald i de Arme!

@corinne, ja das Wätter muä mer jetzt usnütze und solang d Schwiegereltere na Feriä hend gah i mit dene chli go wandere... morn gohts uf de Stoss, freu mi scho seehr druf! Denke au das es am Raik guät duät verusse z si... er isch uf jede Fall jede obig schön müäd!
jööö s lächle vom Jaron mit Zähnli isch jo uuuu herzig!

@rest, i hoffe äs gaht eu guät, i muä jetzt is Bett, muä morn fit si Guät Nacht!

@jeannine
sorry ha natürli Céline gmeint und nöd Célina...

Gefällt mir Hiflreiche Antwort !

22. September 2011 um 22:22

Dankeschön!!
sind beides uh schöni gbs!es sind mega rüehrendi moment nadja schiinsch no fit z sii so schnell scho möge so viel z schriibe,hut ab!und jeannine,wär glaub au total überrumplet gsi.du bisch mega tapfer und e starki frau,du schaffsch das alles

@ursina: du wirsch es wunderschöns baby ha!!ich glaube als muetter chamer das zwar nit so objektiv säge aber das spielt absolut kei rolle ha grad gester überleit,s'eigene chind isch und blibt s schönste und so sells au sii

@corinne: ou wie romantisch!ja freue mi mega ufs fest!wieviel prozent würsch denn det schaffe?und würsch ihn während dere ganze ziit abgeh?

@niggi: du armi!ja wie d katie seit,es säckli debi ha für den fall der fälle.und isch doch schön darf mer wider biz meh schlafe,ganz offiziell

@ramona: du hesch glaub mal no gfragt weg oisere wohnig.mir hend eini wo als 3.5 zählt.hend zwei zimmer und de rest isch ein grosse ruum.wend zur wohnigstüür ine chunsch stasch scho mitte drin.kei iigang oder so.offeni chuchi.schön hell und so.aber unpraktisch.ois fehlt eifach es zimmer

so,de rest weissi grad nüme.wird im moment sooo viel da gschribe

ah nomal jeannine: hoffe chunsch zschlag mitem tuech.mir het ebe s ersti mal die gholfe wos mir usglehnt het.probiersches sus au mal no mit hilf.und wegem schlafe.... ich ha da biz es ussergwöhnlichs baby.sit mir usem spital sind schlaft sie 6std am stück und denn nomal 4std.inzwische sinds 10std wo sie dure schlaft.was ich vo afang aa gmacht han isch es bettli-ritual,öpis anders alege zum schlafe und liedli singe und nachem singe nix anders meh.sie chunt de immer guet obe abe.tagwach im moment leider scho am 7ni,mängisch schlaft sie de nebed mir no biz aber wird seltener.

sooo ich muss no mis bad go putze woni iigweicht ha.so blöd...und morn wider volls programm.am mittag go baby luege vo de kollegin wo au gester uf d welt isch cho und am namittag bini zum käfele iiglade und am abig weti mal wider mit mim maa chönne znacht esse.ah und am morge no wäsche.und am Sa het mir mini schwe irgend en "polternamittag/-abig" organisiert.bin ja gspannt

schlaft guet ihr liebe!

Gefällt mir Hiflreiche Antwort !

23. September 2011 um 2:54


*juhuiiii* ich ha glaub vorwehe. Di letschte beide Mal ischs voll losgange. Deswege bini nid ganz sicher. Aber es sind mensartigi Schüb. Mal luege wieviel Nächt es so gaht. Ich freu mich!

Gefällt mir Hiflreiche Antwort !

23. September 2011 um 3:47


Uiii sabrina drucke d düme. Hoffe ganz fescht für dich dases endlich los gaht !

Gefällt mir Hiflreiche Antwort !

23. September 2011 um 6:02

Sabrina
hoffe musch nüme z lang warte!! huii isch das ufregend,sooo viel babys

Gefällt mir Hiflreiche Antwort !

23. September 2011 um 7:17


Wehen weg!

Ich nerve euch jetzt mit : wehen da/wehen weg: bis das kind da ist

Gefällt mir Hiflreiche Antwort !

23. September 2011 um 7:20

Mooorge
Ui sabrina drucke dumme ev ishes jo sho doo hehe so we bi de nadja klammheimlich gish eifach wens got immer wieder feedback!!

Katie jooo en name wemmer.. hihi sind alli gspanne!

Ursi joo jedes (excüsi fast jedes) baby ish herzig git haltsho usnahme aber seeeeehr selte!! Wirsh luege au dis ish bezaubernd!!
Mini het angeblich e riese bühle aso so en unförmige kopf gha wome si gholt heg und hegi usxeh we nid vo da! Aber ich hasi nid so xeh das ish noch e paarsek wieder weg! Ish vom abedrucke xii

Jeannine joo ich ha es meeega shlechts shlofi kind gha und seehr vili tränli vergosse... Gat ad nerve.. Si het bis ca 2 mt alt xi ish meh oder weniger grad durepfuset guet det hetsi au 20 std am stk pfuset und den hets agfange und so mit 4/5 mt hetsi ke hunger gha si het nur de nuggi welle wosi verlore het drumbini sooo vil mol ufgstande! Ha etz sho panik weni das ev nomol mache muess mitem 2te
Wo ich den es buech jedes kind kann shlafen glese ha und das chli agfange ha awende hets den mit 9 mt besseret und etz shloftsi

Sophia ui hesh polteri morn? Und ronja? Luegt de papi? Jo das mitem säckli tönt super muessi echt mache! Nimme es hundesäckli hehe

Soo muess ufstoo inere std chunt sho kollegin ufen kaffi und min richtige dad woni voreme jaar es letsht mol und es zweit mol imim lebe xee ha chunt au no hush hush vorbi

Gefällt mir Hiflreiche Antwort !

23. September 2011 um 7:22

Sabrina
Uuuui nei etz hani sho denkt es baby seg sho da aber hey sho mol es guets zeiche das mol wehe gha hesh!
Hoff bish nid di ganz nacht uf xi sondern hesh mol no chli chöne pfuse?

Gefällt mir Hiflreiche Antwort !

23. September 2011 um 7:47


So wehe sind wieder ume, ich bin vom halbi drü bis am halbi foifi wach glege, hell wach! Denn hani namal gschlafe und denn het sich min sohn aagschliche. Isch under decki kroche und hät mer übers gsicht gstreichlet. De maa isch mitere gripp chrank gschriebe, aber hüt hanen usem bett gworfe und er hät di gross müesse parat mache für de kiga. Ich bösi!

Gefällt mir Hiflreiche Antwort !

23. September 2011 um 8:08

Morge
@dualmom, uiii ich ha imfall au zerst 1nacht dure gwehet bis 3cm offe gsi isch und puff alles weg nur no chli ruggeweh bi meeega entdüscht gsi!
Den hani guedi 48stund rueh ga und puff blase putt wer weiss. Viellicht gohts jo au so schnell wie bi dr nadja

@niggi, den viel spass. Das wär nada für mii so frieh am morge bsuech i ha gern mini rueh am morge mit dr chliine

@schöns baby, aso ich muess jo zuege ich ha nachere stund ca. (nach de geburt) zu mim maa gseit: schatz.... Mir hend es wieschts baby
Er: neeeeiiii sicher nid!
Im nochhinein hetr gseit er het si au nid schön gfunde aber witzig i ha si zoobe mega schön gfunde, aso isch de hormon usschub dochno cho

Si hwt eifach e chliuni boxer nase ga und das het si chli verunstaltet defür isch si vo monet zu monet schöner worde

@uns, mir werde hüt die chlii serstmol abgä über dnacht p aber morn hämmr mega viel ufem plan naja

Sooo jez hausis wieder

Gefällt mir Hiflreiche Antwort !

23. September 2011 um 8:47


Wehen weg!

Kalinka: ich ha eimal blasesprung und e stund später wehe gha und eimal blasesprung und direkt wehe. Bin uf em sitzball am hoffentlich wehe aarege und gange nachher na go bade.

Gefällt mir Hiflreiche Antwort !

23. September 2011 um 8:57

Guete morge
@sabrina uiuiui du machsches ja mega spannend...ich druck dir duume dasses gli losgaht und wünsche dir denn wenns losgaht viel chraft und e wunderschöni geburt


@niggi Wie gahts mit ??

@Sophia Viel Spass bim Poltere...bin etz ga nüm sicher öb du das bisch mit de wohnig Ja verstahni 3.5 isch scho knapp mitme chind...

@amina Wo ich di chli s'erstmal überd nacht weg geh han bini voll nervös gsi aber alles isch beatens gange

@kathie Was tuet sich bi dir?

@all Sorry han mer nöd alles chöne merke...wünsche allne en schöne Tag. Mir hend hüt Übergab vo de alte Wohnig, denn chömmer ois endli uf oises Dihei konzentriere

Gefällt mir Hiflreiche Antwort !

23. September 2011 um 9:28

Sabrina
Uuui joo mol luege wes usgoot aber chunt sho guet... Uuii nei und de maa au no krank dahai du armi duu... Hoff es gat was bi eui hehe

Amina joo ha eigentli au gern mini rueh am morge aber easy etz chunt den no min dad voher ish kollegin da xii muess am morge mini serie luege drum hani gern mini rueh haha
Uuui gatsi zum grosi di chlii?? Kraaass morn lütsh grad aa wesi pfuset het muesh luege

Ramona hüt es erst mol beschwerdefrei ufgstande wuhuu

Gefällt mir Hiflreiche Antwort !

23. September 2011 um 21:20


@niggi Schön dassd hüt mal kei beschwerde gha hesch Bi mir isches leider immer echli da, aber nüme so starch. Denke es wird langsam besser...

@kathie Ja wer es schöns datum Aber ebe die babys chömed wenns wänd Plötzlich gahts los...
Ich han au gv gha um de termin ume und es het gaar nüt bracht Aber has au scho ghört, dasses chan wehe uslöse!

@ursi Leider seit mir das mit de spitex nüt, aso ich weiss nöd öb mer das chan. Gits denn bi dir umenand kei anderi hebamme??? Ich han au e hebamme gha fürd nachbetreuig und es isch suuuper gsi. Wie gahts mit dine vorwehe??

@Sabrina Uiiii du machsches so spannend! Hoffe isch alles guet bi oi...und ja villicht bisch ja scho im spital oder es gaht gli los. Alles Gueti für dich

@me Mir hend hüt oisi alti Wohnig abgeh und ich bin echt mega froh drüber Etz chilli im Bett und lueg TV! Mis buuchi het scho ganz e chlini wölbig, freu mi voll über die ss Sorry bi gad chli emotional...aber han eifach rise freud

Gefällt mir Hiflreiche Antwort !

23. September 2011 um 22:40


Ich bin wehelos di hei! Heiss bade, sitzbal hüpfe, spaziere, nelketampons, nüt het was bracht!

Ah eini uf em spielplatz het min buuch aaglueget, und ernsthaft gfraget, isch es scho cho? Ich ha ganz eifach nur nei gseit. Aber mini lieblingsantwort wär gsi: es isch scho cho, aber mit em kiwa ischs so müessam, drum hanis wieder retour gschoppet!
Aber ironischi antworte chömet da im quartier nid guet aa. Drum hanis lah!

Und kollegin vor paar minute: aha, es hät kein stress und laht sich zyt. Ha ihre gschriebe dassis grad nid verträge und jetzt isch sie hässig!

Bravo sabrina, super gmacht. Ach baby chum doch bitte die nacht use! Ich freu mich soooooo uf dich!!!!!

Merci fürs dampf ablah!

Gefällt mir Hiflreiche Antwort !

24. September 2011 um 3:55


Mannn ich ligg wach und chan nöd schlafe

@ursi Ja ist verständlich dassd nöd immer schmerze wetsch ha. Hesches guet vertreit (willd ma gseit hebsch heg so viel nw)? Hoffe hesch e ruhigi nacht

@sabrina Ich chan dir voll nahfühle! Die letschte täg sind nervig...ich han au nur no welle dasses ändlich losgaht...ich han ja vier täg übertreit und abem termin hani jenstes sms und mails becho öbs scho da isch Das het mi halbe wahnsinnig gmacht...! Dini kollegin beruhigt sich sicher wieder...

Gefällt mir Hiflreiche Antwort !

24. September 2011 um 7:00

Meld mi mol
Sorry i han fascht kei zit zum lesa aber hoffa es got allne guet.

Min zwüschabricht:
Da ayleen goz tiptop het leider no a lichti neugeborena gelbsucht übercho und mus etzt no chli mit liecht therapiera. Aber sie macht das super. Stilla klappet au fu tag zu tag besser . Ach sie isch soo wunderschön, ha zu mim schatz müsa sega dasmer aso scho s'schönschti baby fu allne hend do (natürlich sind all babys süess und schö)
Mir goz au tiptop, ufm stuel sitze ohni gummiring klappt nonid so guet aber chunt alles.
Hoffa etzt das dwert fu ihtem bluet weg da gelbsucht guet sind dasmer morn den hei chön .

Das fuda katie hammer no chöna mergga. Wegm GV neee mir hend scho sit wucha kei GV meh ka . Isch ganz ohni losgange

Gefällt mir Hiflreiche Antwort !

24. September 2011 um 7:36

Guete morge
Aaa am morge chani mir immer am meiste merke

Katie jo mir hend 1 wuche vor geburt gv gha aber das ish recht id hose eifach nur mittel zum zweck! Und brocht hets nix haha

Sabrina we hani etz müesse lache weg dim satz dases wieder retour gshoppet hesh haha aber recht heshso edummi zwetshge!!! Und hey dini kollegin beruhigt sich au wieder..

Ursi we gats dir? Bitz besser? Het die halb tablette wasgnützt??

Ramona hesh nomol chöne pfuse? Min isham 2 heicho mitere fahne dasidenkt ha sooo etz ahoi wc würg ish aber den ohni gange!! au hüt ish mir nid shlecht xi bim ufstoo.. Jupiiii

Nadja uuui jo das leit sich jo bald wieder den chash dini prinzessin mit hei nee ich ha wo ich hei bi nu brüellet hehe ha gar nid welle hei

So hoffha nimert vergesse?

Gang etzzude mumgo zmörgele und den wird euses neui auto no agluegt wuhuu freude herst! uuund am obig inusgang mitem mineral haha

Gefällt mir Hiflreiche Antwort !

24. September 2011 um 7:41

Aaah mis baby stinkt nach kotze!!!
bin grad biz am verzwiefle mini tochter süürelet nur no.jetzt hani sie hüt morge gwäsche,schöns suubers body aagleit,ufgno zum am papi tschüss säge und ade türe...wusch!het sie ihre und min ganze arm voll gha.und de bode.alles pflotschnass. bi dem wetter chani sie ja nit so laa.also wider umzoge.und wider drüber kotzt.hey es isch doch erst halbi8i!!!!entweder lani sie miefe oder sueche scho wider was neus füre.zum glück stat hüt uf mim programm no d kinderkleiderbörse...
und weni grad am jammere bin...next wuche fangi wider a schaffe (also oktober) und gester bini mal de plan go aluege und ha fast es kolläpsli ka.er het mich DRÜÜ mal itreit (für ei wuche).ha ihm gseit ka nur eimal pro wuche und denn all mögliche date ihm gä in der meinig dass er ussuecht und jetzt nimmt er grad all.es schisst mi ja nit grundsätzlich aa zum wider schaffe aber ewigs die organisierärei DAS findi obermüehsam!!!gester isch de chef nit det gsi das heisst ich muss jetzt de no verbi ga.gopf...

sorry das hani grad müsse loswerde...

Gefällt mir Hiflreiche Antwort !

24. September 2011 um 13:00

....
@sabrina dis baby chunt sicher bald. diä antwort wot gern gäh hättsch muni mir merkä ...

@niggi isch der nüm soviel schlächt?

@sophia das kenni. immer ersatzwösch der bi ha für chind und mami . das mit em schaffi känni au, isch mega müähsam wennt was abgmacht häsch und sie planed dich immer meh ih als abgmacht .

@nadja das mit der liächtä gelb sucht goht sicher bald verbi. denn chasch dini chli muus mithei näh...

@ursi und bisch fliessig a dini chärtli? wieviel musch etz no machä?

@me bin voll im stress da min maa und min schwiegervater am 3. okt geburri händ (30gi und 60gi). etz chunt doch a der frau vom schwiva in sin das das doch kei guäti idee isch mitem gschenk für dä schwiva wo sie plant gha hät . hät öper ä idee was mer ihm schänkä chönt, isch jo en bsunderä geburii und scho bald ?

Gefällt mir Hiflreiche Antwort !

24. September 2011 um 13:44


Vorem poste/nachem poste: kei wehe
Während em poste: wehe


Doofi sprüch zur entbindig: ich finds nur halb so doof vo anderne schwangere, die machet ja s'glichi dure wie ich selber. Aber öppert wo trinke und esse mag was er/sie wot... Sich bewege cha wie immer s'bedürfnis isch und und und... Het keis recht, mir zsege ich sôlls ruhig neh und abwarte

Gschenk: zerst mueni säge; min chline hät au am 3. Okt geburri, mir händ am schwiegervater zum 50. es wellnessweekend gschenkt wo mir au gra mit sind. Es günstigs aagebot vom aldi, und mir sind zvierte gsi und händ einiges zäme lege chöne. Es isch mega gsi!

Gefällt mir Hiflreiche Antwort !

24. September 2011 um 21:48

Guete abig oi allne
@Niggi Suuuper sind dbeschwerde wieder weg Hoffe das blibt eso...

@Sophia Jaaa das isch müehsam wennds
Chind x-mal muesch umzieh. Hoffe gaht gli verbi mitem chötzle

@manuela Hmm isch na schwirig wegem gschenk. Het et keis hobby oder irgend e lideschaft??

@sabrina Ja komischerwis chunsch immer vo de chinderlose di meiste und beste tippps über **nerv**

@Ursi Super dassd e gueti Nacht gha hesch aber doof weg de Schmerze jetzt. Staht denn chopfweh oder gliederschmerze ide packigsbilag bi nebewürkige??

@Kathie Doof buchweh müsst ned si Gueti Besserig...

@me Ich bin im moment chli trurig...han zimliche zoff mit minere "beste fründin" Weiss nöd was mache...es stimmt für mich nüm mit dere fründschaft. Vorallem will etz paar savhe vorgfalle sind wo echt scheisse sind. Überlege en schlussstrich zieh..aber kenne sie halt scho so lang aber sie het mi wahnsinnig fest verletzt Bi gad chli ratlos...

Allne en schöne Abig und e gueti Nacht

Gefällt mir Hiflreiche Antwort !

25. September 2011 um 8:21

Huhu mädels
Sabrina uuui und we gats etz mit de wehe? Oder das zwergli öbe sho do hehe din maa... Immerno krank?? Hoffes nöd er muess jo den uf dini kind luege wen du im spitol bish?!

Manu hmm kei ahnig waser imshenke chönd und vorallem wevil daser usgee wend! Uf ifolor chentet ihr jo was herzigs mitem julien mache loo und es wer nid soo tüür oder uf geschenksidee personalisierbari gshenk ish au no cool

Ursi we gats dir hüt? Sho witeradine kärtli?? Uuui ich het gar kainnerv defür

Katie hehe undwe gats mitem heubluemebad? Bi mir immer saudumm vor cho! Bi no amel uf e bettfläshe gsesse das sötts au no bringe

Ramona uui voll de knatsh... Nidguet ich ha vor 2 1/2 jaar au broche mit minere beste kollegin weli mi für de maa entshide ha und nid für si wedie 3 jaare voher! Si ish mega iversüchtigxi welsi ke kollege gha het ussert mi und type au nid würkli becho het naja sit afangs dem jaar redet mir wieder und gönd is training eimol de wuche (bi sitem juli nüme xi) haha aber si chunt den sust in kaffi.. Cha nûm sovil afomitere so ish ok! Ha mi halt witerentwicklet und ha da wo si mit geld nid cha kaufe

Sophia uuui du armi grad voll de kötzelishuub gha?? Hoff ish den nid shlimmer worde detag dure? Und we ish din polteri xii???

Gest bini im usgang xii wuhuu ish das glatt xii electro/minimal mit mineral haha min neue slogan aber ish voll guet gange mol und ich has amüsant gfunde all die psychos wes immer drüfner xi sind und bsoffner haha bi den aber am halb 3 dahai xi ha mega ruggeweh gha aber ish super xii 5 mamis im usgang..

Soo etz go zmorge mache well min maa wieder mol nid fähig ish zum ufstoo und de jill luegedas ich darf/cha usshlofe (er het gest dörfe bis am 11) oujee oujee echt müesam!!

Schöne suuntig..

Gefällt mir Hiflreiche Antwort !

25. September 2011 um 8:57

Morgeee!
ja mit de ronja isch nacher besser gsi.ade börse hani de no bodies plünderet haha und min polter isch mega gsi!erst ufs schiff nach züri wo immer meh zuegstige sind. in züri het mini mam uf d ronja gwartet.ha sie de grad no schnell gstillt ka und verzwiiflet de nuggi gsuecht.ha gmeint ka ich heg no e ersatz-box mit.wo de ander isch gsi hani mir au nit chönne erkläre (hüt ufem abeweg hanen im gebüsch gfunde,ab jetzt wird de nuggi nur no aabunde).mini mam het de no en neue MAM müsse hole.jaaa und mich hends de is hamam entfüehrt,soooo chic!!!nacher hets ufem dach vo de kollegin ihrer muetter no ballonpost und apero inkl abendstimmung geh.isch also uuh schön gsi

so cha leider grad nit uf meh igah höckle bim beck und warte dass 9ni wird und de starbucks ufgat muss jetzt mitem chef go rede.haha ich weiss sogar nit mal meh dass am So erst am 9ni öffnet zum glück ischs nit z kalt und de beck het au offe.

hebet oi sorg und gniesset de tag! :-*
sophia

Gefällt mir Hiflreiche Antwort !

25. September 2011 um 9:11


Kei wehe, s'baby na drin, de maa wieder x-und.

Plan für hüt, mini chind gnüsse und ca 7 maschine wäsche und ufhänke. Maa gaht go schaffe, nachem usschlafe*zwinkeradniggi*.

Gefällt mir Hiflreiche Antwort !

25. September 2011 um 9:46


@kathie Ja isch halt na schwer sone entscheidig ztreffe Wie gahts dir? Buchweh besser?

@niggi Ich heten gnervt bis er ufgstande isch Aber cool dassd en schöne abig gha hesch... hoffe bisch hüt au wieder beachwerdefrei??
Ja gäll mängisch ishes besser aber ich kenne sie scho sit über 10Jahr...

@sophia Schön, tönt cool Viel glück fürs gspröch mitem chef!

@sabrina Ohh viel spass bim wäsche Villicht regts ja öpis ah...

En schöne Tag oi allne...

Gefällt mir Hiflreiche Antwort !

25. September 2011 um 9:55

Übrigens ramona
übers thema frùndschaft hani da au scho müsse jammere.bi ois isches weg miner ss gsi sind enand beid mega uf d nerve gange und hend nüm zäme gredet.scho vor de geburt hemer ois aber wider probiert biz aznächre und sit de geburt isch wieder wie eh und je und bin uh froh drüber.denke so hormon hend uf vieles iifluss.und entweder renkts sich wider ii oder mer muss dem wirkli es endi setze.hoffe ihr findet oire weg irgendwie

Gefällt mir Hiflreiche Antwort !

25. September 2011 um 10:28

Mooooorgeeee gääähn
Ramona, hmm ich kenn das guet, mini fründin woni ha welle als gotti näh hed mi sowas vo enttüscht vor paar monet. Han ca. 2wuche es unguets gfühl gha bim gedanke dass sie denn s gotti wird. Denn hanere das gseid und moch fürnes anders guets gotti entschiede. Sisch die richtig entscheidig gsi. Mir hend au kei krach wege dem, sie chund mi hüt go bsüechle aber ebe vergässe chani das ned so schnell. Bin susch gaar ned nachtragend. Ich wür eifach uf din "buuch@ lose.

Sabrina, ja genau chli wösche und huushalt! Muesch luege plötzlich chömed d wehe denn ich wünschs der ganz fescht

Katie, name??? hihi wott ned nerve, aber seg eus bscheid wenner eine hend

Niggi, weisch du ob mer wieder gföhrded isch (also meh als anderi) wemmer schomal e ss vergiftig gha hed?

Nadja wie gahts eu?

Amina was machsch duu? Ha glaub gar nüt gläse geschter vo dir

Me: cha kei news ussert dasi immerno saumüed bin es isch scho mega heavy, aber die chlii isches wert (ich warte immerno druuf bis de erschti hüülafall chund vo erschöpfig) so..fertig gjammered

Gefällt mir Hiflreiche Antwort !

25. September 2011 um 10:48


@Sophia Freut mi dass sichs bi dir wieder igrenkt het Ich han aber chli sgfühl bi ois lits nöd a de hormon...aber villicht übertribi eifach mega, weiss au nöd

@Janine Jaa ich han sie ebe au als gotti welle aber das chunt für mi nüme in frag nach all dem! Hey wenn de hüülafall chunt denk dir nüt debi...das hend glaub "fast" alli emal Super wie du das machsch...na ohni partner, da chönd mängi de huet vor dir zücke...

Ich verzelle susch gaaanz churz dgschicht vo minere fründin und mir:

Aso ahgfange hets demit wo ich mit de sina ss gsi bin, di ganzi zit het sie gseit uihh nei wie chasch du nur etc etc. Chum isch dsina da gsi het sie au welle (jetzt isch sie i de 18ssw). Das isch aber grundsätzlich keis problem für mich.
I de letshte zit sind zwei, drüü sache gsi wonich so scheisse finde vo ihre. S'ersti: sit ich mit de sina ss gsi bin wüssed alli dass mir en bueb nico taufe würdet...das isch klari sach. Und mini fründin seit na so zu mir ja isch scho en schöne name aber gar nöd min fall. Etz vor zwei wuche am tel seit sie zu mir hey mir bechömed en bueb und er wird zu 90% nico heisse!
Hallo was sell das???? Ich meine klar muen sie nöd uf de name verzichte nur will mir de wennd fallses en bueb git. Aber zu mir seit sie seg gar nöd ihre fall und jetzt nimmt sie en??
Szweiti isch gsi dass ja di jetzig ss nöd planed gsi isch (kondom grisse). Ich ihre na under schock ahglüte undsere gseit, was seit sie: uihh nei ich finds voll schlimm. Bisch chli zdumm verhüete hahaha! Nachher hani gseit ja wieso schlimm ich schafff das scho...denn seit sie ich glaub du hesh kei ahnig was da uf dich zuechunt. (aber sie mit ihrne 100 chind ja scho ). Sone reaktion isch eifach nur scheisse...alli andere sind für mich da gsi, hend sich gfreut und mir muet zuegsproche...klar sie het paar tag spöter es sms gschribe sie hegs nöd so gmeint und freui sich für mich, aber das isch nüm sglich! Und sdritti ich han sie gfröged öb sie mir mal würd eis-zwei stund helfe putze i de alte wohnig oder mitcho und sina chli unterhalte damiti vorwärts chume und sie seit oh wür gern aber mag voll nöd!! Hallo??? Ich bin ihri besti fründin...chan mer sich da nöd eis-zwei stündli irichte?? Ihre gahts tiptop, sie het kei beachwerde oder so...naja das het mer voll de rest geh...weiss halt jetzt au nöd

Sorry für de lang bitrag...

Gefällt mir Hiflreiche Antwort !

25. September 2011 um 11:10

Mir chönd nonid hei hüt
Dwert fuda ayleen sind gescht gstiige den het sie 24h müsa under sona lampe go arms schatzi. Hüt sind dwert guet gsi mün aber no 24h zur kontrolla do blibe und morn morga gugge wes isch. Hoffa dases aba sind

Gefällt mir Hiflreiche Antwort !

25. September 2011 um 12:34

Zerst zu de jeannine
Hesh mi sho 2x gfrögt! ich glaub nid das nomol afällig uf ss vergiftig bish hoffs shwer nöd werd aber am 13.10 mol froge nimmt mi selber wunder

Sabrina haha joo joo die manne immer shö am usshlofe frog hesh du ss streife gha am buuch? Wenn jo werdet die binere erneute ss no shlimmer? Hans so guet we weg brocht dank de shüsslersalz creme wuhuu

Ursi hehe vil spass bim bastle und joo weni den mol so wiit bi goni den glaubs au gern am 8 is bett aber wet bi dere ss chli viles anderst mache und vorallem nüm ufgoo we en ballon! aber etz mol luege usgang gangi solang weni no mag hehe noher ish den recht vorbi!!

Sophia uui das ish de shö vo dine kolleginne voll gmüetliche polteri.. und hey no wegem worke das gat jo echt voll nid hoff heshes chöne regle

Ramona ui ui tönt nid guet tönt für mich so we bi minere kollegin! Die het 2 jahr lang mich kopiert das ish heftig macht di glich frisur und blond obwohl si eigentli dunkl ish und so gspäss hend si immer als kopie vo mir abgstämpflet voll deftig haha und si hets nid gshnallet! Naja ich wür ihre das offe und ehrlich sege was di stört wend fründshaft no rette wetsh! Und wensi nid demit cha umgoo den ish es ee gshicht mit de fründshaft!

Wegem shlecht sii got mir sit gest recht top

Gefällt mir Hiflreiche Antwort !

25. September 2011 um 14:01


Niggi: ich ha kei schwangerschaftsstreife devo treit! Aber wenn eimal gha häsch, wirsch warschinli wieder becho. Das isch veralagig.

Poltere: tönt ja mega. Ich ha nid polteret, die händ nur so peinlichs zeug welle mache und ich bin nid defür zha. Und sie het nüt andets welle mache, drum hanis abgseit.

Wehe: hani immer na kei

Gefällt mir Hiflreiche Antwort !

26. September 2011 um 8:00

Guete morge
@nadja Wie gahts oi? Dörfeder hüt hei?

@ursi Wie gahts dir mit de vorwehe? Bisch vorwärts cho mit de chärtli?

@niggi Wow supi hesch kei beschwerde meh Mags dir gönne...alles anderi isch voll die Qual Übrigens weg de ss-streife...ich han au es paar gha bi de sina, gottseidan nur uf de siite und wenigi. Aber ich denke au dasses irgendwie nöd chasch verhindere wenns bechunsch. Ich cremle min buch jetzt au oft aber ebe

@kathie Ja das verstaht dini kollegin sicher...isch ja doof wenn öpper gotti isch wod gar nüm richtig kontakt hesch!

@sabrina Ich hoffe dini wehe chömed bald...

En schöne tag oi allne. Ich schaffe ab dere wuche wieder aber mir isch immer na so ! Oh mann...

Gefällt mir Hiflreiche Antwort !

26. September 2011 um 9:10

Guätä Morgä!
so no schnell d zit nutze bevor kollegin verbi chunt wo gad d kosmetikprüäfig am mache isch und mi als üäbigsprojekt wot bruche

@fründinne, i ha vor 1,5 johr müäse de kontakt zu minärä beste fründin abbreche, will si soooo gege min Schatz gsi isch und fast erwartet hät das i wegä ihre d hochzit ect. absägä.. äs hät mer lang weh duä, will i eigentli süsch niämert i mim läbä ka ha wo mer so viel bedütet hät wiä si, sie isch fast e schwöster für mi gsi.... jo i de ss ha i viel drüber nadenkt kontakt ufznäh, aber wills bi dem "bruch" vorallem um ihri iversucht gange isch ha i nöd na welle öl is füür werfe, will i zerst ss worde bi ect. joo noch geburt hani vernoh das sie jetzt au ss isch und i ha ihre gratuliert und jetzt hemmer wieder biz e-mail kontakt, aber so wiä vorher wirds glaub niä meh.... (sorry für de lang text, aber i cha eu voll mitfühle!)

@jeannine, häsch min volle respekt, das du das alles ällei schaffsch! hut ab!

@ursina, wiä gohts mit de wehe?

@katie, hihi, de wünsch i eu viel glück bim name usläsä wäret de wehe hend ihr denn scho ä engeri uswahl?

@sophia, schön das en tolle polterobig ka häsch, soeine het i mir au gwünscht ka, aber ha niämert ka zums organisiere und so doofi spili hani nid welle, bi ned so de typ defür, aber so gedige zämähöcke wärs für mi au gsi!

@ss-streife.... i ha de ganz buch volle ha aber cremät wiä blöd... hät kei bizli gnützt.. d Fa hät gmeint das i defür bim zweite kei meh pberchume, wills gar kei freii hut meh hät wos chönt rissä

@sabrina, drucke d duume das d wehe bald so richtig chömit!!

soo... jetzt chunt si de gad, lah mi lah schön mache

Gefällt mir Hiflreiche Antwort !

26. September 2011 um 10:47

Guete morge
Ha leider ned gross ziit zum uf d biiträg igah, aber han eu mamis churz welle frage wie das ablauft mit de taufi, wie muess mer da vorga? Und was choschtet das (also d chile). Ich han voll kei plan

Lg jeannine

Gefällt mir Hiflreiche Antwort !

26. September 2011 um 11:08


Han au nur churz zit.

Taufi selber chostet nüt...isch jedefalls bi ois so gsi. Musch di a de pfarrer wende vo dere chile wod gern taufi wetsch mache..

Gefällt mir Hiflreiche Antwort !

26. September 2011 um 12:07


Hüt chunt d'hebi verbi, viellicht git ja das baby de startschuss! Ha nämlich keinerlei wehe!

Taufi isch bi eus au gratis. Het na mega herzigi chleidli... Stells suscht später i mis album, mir taufet ja nid, drum hani eis vorig. Au zum uslehne

Gefällt mir Hiflreiche Antwort !

Frühere Diskussionen
Diskussionen dieses Nutzers
Teste die neusten Trends!
experts-club